ئەندازیاری تەلارسازی Latest Topicshttps://keu92.org/forums/forum/8-%D8%A6%DB%95%D9%86%D8%AF%D8%A7%D8%B2%DB%8C%D8%A7%D8%B1%DB%8C-%D8%AA%DB%95%D9%84%D8%A7%D8%B1%D8%B3%D8%A7%D8%B2%DB%8C/ئەندازیاری تەلارسازی Latest Topicsenبۆچی کارایی وزە لە باڵەخانەکاندا گرنگە؟https://keu92.org/forums/topic/30-%D8%A8%DB%86%DA%86%DB%8C-%DA%A9%D8%A7%D8%B1%D8%A7%DB%8C%DB%8C-%D9%88%D8%B2%DB%95-%D9%84%DB%95-%D8%A8%D8%A7%DA%B5%DB%95%D8%AE%D8%A7%D9%86%DB%95%DA%A9%D8%A7%D9%86%D8%AF%D8%A7-%DA%AF%D8%B1%D9%86%DA%AF%DB%95%D8%9F/8gOJh9O7OBAvldbi8bq5ooq89cEEqHBR-yzbDTHKNgU.avif

باڵەخانەکان نزیکەی یەک لەسەر سێی وزەی جیهان بەکاردەهێنن و بەشێکی زۆری گازە زیانبەخشەکان بەرهەمدێنن؛ بەتایبەت لە شارە گەورەکاندا.

2-1-768x768.webp

کارایی وزە (Energy Efficiency) تەنها بە واتای کەم بەکارهێنانی وزە نایەت، بەڵکو مەبەست لێی نەهێشتنی بەفیڕۆچوونە بەبێ ئەوەی دەستکاری ئاستی ئاسوودەیی و خزمەتگوزارییەکان بکرێت.

وزەی نێو باڵەخانەکان بۆ کوێ دەچێت؟
زۆربەی وزەی نێو باڵەخانەکان بۆ گەرمکەرەوە (Heating)، ساردکەرەوە (Cooling)، ڕووناکی (Lighting) و ئامێرە کارەباییەکان (Appliances) دەڕوات. بەشێکی زۆری ئەم وزەیە بەهۆی خراپی عەزل (Poor Insulation)، دزەکردنی هەوا (Air Leaks) و سیستەمە کۆن و ناکاراکان (Inefficient Systems) بەفیڕۆ دەچێت.

Breakdown-of-energy-consumption-in-a-typical-building-Over-50-of-energy-consumption-is.webp

چۆن دەتوانین ئاستی کارایی وزەی باڵەخانەکان زیاد بکەین؟
• بەکارهێنانی عەزلی باشتر (Better Insulation) و پەنجەرەی کوالێتی بەرز (High-performance Windows).
• کەمکردنەوەی دزەکردنی هەوا (Air Leakage).
• بەکارهێنانی تەکنەلۆژیای کارا وەک هیت پەمپ (Heat Pumps).
• سیستەمی کۆنترۆڵی زیرەک (Smart Controls) و چاودێری وزە (Energy Monitoring).

6472_NRCan_EnerGuide_House_Illustration_EN_FINAL.jpg

چەمکی "نێگاوات" (Negawatt) چییە؟
وەک ئەندازیار، پێویستە چەمکی نێگاوات (Negawatt) بناسین؛ کە بە واتای ئەو یەکە وزەیە دێت کە پاشەکەوت دەکرێت نەک بەرهەم بهێنرێت. پاشەکەوتکردنی وزە لە ڕێگەی کاراییەوە، وەک ئەوە وایە کارگەیەکی نوێی بەرهەمهێنانی کارەبات هەبێت بەبێ ئەوەی هیچ دووکەڵ و تێچوویەکی سوتەمەنی هەبێت. ئەمە باشترین جۆری وزەیە کە دەتوانین وەبەرهێنانی تێدا بکەین. باشترکردنی کارایی وزە زۆرکات تێچووی کەمترە وەک لە دروستکردنی وێستگەیەکی نوێی بەرهەمهێنانی وزە.

negawatts.webp

ئەو ئاستەنگانەی لەبەردەممانن:
• زۆرێک لە باڵەخانەکان هێشتا ستانداردی بەهێزی کاراییان (Efficiency Standards) نییە.
• باڵەخانە کۆنەکان پێویستیان بە نۆژەنکردنەوەی گشتگیر (Retrofitting) هەیە بۆ ئەوەی لەگەڵ ستانداردەکان بگونجێن.

لە ولاتە پێشکەوتوەکاندا بۆ ئەوەی باڵەخانەیەک بە "کارا" یان Energy Efficient هەژمار بکرێت، پێویستە لە ژێر چوارچێوەی ستاندارد و بڕوانامەی جیهانیدا بێت کە مەرجی توند بۆ بەکارهێنانی سەرچاوەکان دادەنێن.
گرنگترینیان :
١. بڕوانامەی LEED (Leadership in Energy and Environmental Design)
٢. ستانداردەکانی ASHRAE (بە تایبەت ASHRAE 90.1 و ASHRAE 62.1)
٣. ستانداردەکانی ISO (وەک ISO 50001 و ISO 14001)
٤. ستانداردە ئەوروپییەکان (وەک EN 15232 و Eurocodes)


سوودە کردارییەکانی پەیڕەوکردنی ئەم ستانداردانە:
• ناوبانگی نێودەوڵەتی (Global Recognition): باڵەخانەکەت وەک پڕۆژەیەکی سەردەمی و دۆستی ژینگە دەناسرێت.
• کەمکردنەوەی تێچوو (Operational Savings): خەرجی مانگانەی کارەبا و چاککردنەوە بە ڕێژەی ٢٠٪ بۆ ٤٠٪ کەم دەکاتەوە.
• بەرزبوونەوەی نرخ (Property Value): بەهای باڵەخانەکە لە بازاڕدا زیاد دەکات، چونکە وەبەرهێنەران و کڕیارانی ئەمڕۆ بەدوای پڕۆژەی بەردەوام (Sustainable) دا دەگەڕێن.

پوختە:

لەگەڵ پێشکەوتنی پڕۆژەکانی نیشتەجێبوون لە کوردستان، ئەندازیاران بایەخی باش بە کارایی وزە (Energy Efficiency) دەدەن. لێرەدا ئەرکی سەرەکی دەکەوێتە سەر شانی سەرمایەداران و لایەنە پەیوەندیدارەکان، کە پێویستە لە سوودە گرنگەکانی ئەم بوارە تێبگەن و بە جیدی بیخەنە بواری جێبەجێکردنەوە.

6472_NRCan_EnerGuide_House_Illustration_EN_FINAL.jpg

Breakdown-of-energy-consumption-in-a-typical-building-Over-50-of-energy-consumption-is.webp

]]>30Mon, 20 Apr 2026 07:46:59 +0000تەوێڵە؛ لە نێوان زەنگی مەترسی و هیوای بووژانەوەدا چۆن "بەرد" دەبێتە زێڕ؟ وانەیەک لە تەلارسازیی هەورامانی دیوی ڕۆژهەڵاتەوەhttps://keu92.org/forums/topic/15-%D8%AA%DB%95%D9%88%DB%8E%DA%B5%DB%95%D8%9B-%D9%84%DB%95-%D9%86%DB%8E%D9%88%D8%A7%D9%86-%D8%B2%DB%95%D9%86%DA%AF%DB%8C-%D9%85%DB%95%D8%AA%D8%B1%D8%B3%DB%8C-%D9%88-%D9%87%DB%8C%D9%88%D8%A7%DB%8C-%D8%A8%D9%88%D9%88%DA%98%D8%A7%D9%86%DB%95%D9%88%DB%95%D8%AF%D8%A7-%DA%86%DB%86%D9%86-%D8%A8%DB%95%D8%B1%D8%AF-%D8%AF%DB%95%D8%A8%DB%8E%D8%AA%DB%95-%D8%B2%DB%8E%DA%95%D8%9F-%D9%88%D8%A7%D9%86%DB%95%DB%8C%DB%95%DA%A9-%D9%84%DB%95-%D8%AA%DB%95%D9%84%D8%A7%D8%B1%D8%B3%D8%A7%D8%B2%DB%8C%DB%8C-%D9%87%DB%95%D9%88%D8%B1%D8%A7%D9%85%D8%A7%D9%86%DB%8C-%D8%AF%DB%8C%D9%88%DB%8C-%DA%95%DB%86%DA%98%D9%87%DB%95%DA%B5%D8%A7%D8%AA%DB%95%D9%88%DB%95/لە دڵی چیا سەرکەشەکانی هەوراماندا، شارۆچکەیەک هەیە کە بۆنی گوێز و دەنگی ئاو ئاوێتەی یەکیان کردووە؛ تەوێڵە. ئەم شارۆچکەیە تەنها شوێنی نیشتەجێبوون نییە، بەڵکو مۆزەخانەیەکی زیندووە کە مێژووی سەدان ساڵەی پێکەوەژیانی مرۆڤ و سروشتی تێدا تۆمار کراوە. بەڵام ئەمڕۆ، ئەگەر بە کۆڵانەکانیدا گوزەر بکەیت، هەست بە ئازارێکی بێدەنگ دەکەیت؛ ئازاری ونبوونی شوناس لەژێر قورسایی بلۆک و چیمەنتۆدا.

ئەم وتارە گەشتێکە بۆ قوڵایی برینەکانی تەلارسازیی تەوێڵە و گەڕانە بەدوای دەرمانێکدا کە لە دراوسێکانمانەوە (هەورامانی ڕۆژهەڵات) فێری بووین.

شوناسی بریندار: کاتێک بەمۆدێرن بوون سروشت دەکوژێت

تەلارسازیی ڕەسەنی تەوێڵە لەسەر بنەمای "تەلارسازیی خۆماڵی" (Vernacular Architecture) دامەزراوە؛ واتە بەکارهێنانی ئەوەی سروشت پێت دەبەخشێت. دیوارەکان لە بەردی شاخەکان، سەقف لە دار و خۆڵ، و پەنجەرەکان ڕووەو خۆر و هەوا. ئەمە تەنها جوانی نەبوو، بەڵکو زیرەکیی باپیرانمان بوو بۆ خۆگونجاندن.

بەڵام ئێستا، تەوێڵە ڕووبەڕووی "پیسبوونی بینایی" (Visual Pollution) بووەتەوە. خانوو شێوەی پاکەتی شقارتە، ڕووکاری پلاستیک (PVC)، و کاشییە بریقەدارەکان شوێنی بەردە بەنرخەکانیان گرتووەتەوە. ئەمە نەک تەنها سیمای شارۆچکەکەی شێواندووە، بەڵکو ڕۆحی گەشتیاریی ناوچەکەشی کوشتووە. گەشتیارێک کە لە ئەوروپا یان لە باشووری عێراقەوە دێت، ئارەزووی بینینی تەلارێک ناکات کە لە ناوەڕاستی بەغداش هەیە، ئەو بەدوای جیاوازیدا دەگەڕێت.

"تەلارسازی لە هەورامان تەنها دروستکردنی خانوو نییە، بەڵکو هونەری گفتوگۆیە لەگەڵ شاخدا، بەبێ ئەوەی شاخەکە ئازار بدەیت."

 

وانەیەک لە ڕۆژهەڵاتەوە: چۆن ئەوان سەرکەوتن؟

تەنها چەند کیلۆمەترێک ئەولاتر، لە دیوی ڕۆژهەڵاتی کوردستان، هەورامانی تەخت و گوندەکانی (هەجیج و سلێن) چیرۆکێکی جیاواز دەگێڕنەوە. لە ساڵی ٢٠٢١، یونسکۆ (UNESCO) ئەم ناوچەیەی خستە لیستی کەلەپووری جیهانییەوە. بەڵام بۆچی؟

نهێنییەکە لە "پاراستنی توندوتۆڵ"دایە. لەوێ، شارەوانی و خەڵکەکە ڕێککەوتنێکی نەنووسراویان هەیە:

1.       قەدەغەی تەواوەتیی ماددەی نامۆ: مەحاڵە لە گوندێکی وەک هەجیج مۆڵەت بە دروستکردنی بینایەک بدرێت ئەگەر ڕووکارەکەی بەردی تاشراوی ناوچەکە نەبێت.

2.       پاراستنی هێڵی ئاسۆ (Skyline): هیچ بینایەک بۆی نییە دیمەنی سروشتی لە بیناکەی پشتەوەی خۆی بگرێت، ئەمەش بنەمای (سەربانی ماڵێک ئەبێتە حەوشەی ئەوی دی)ی پاراستووە.

3.       ئابووریی بەردین: خەڵکەکە تێگەیشتن کە پاراستنی ئەو خانووە کۆنانە، پارەیە. ئێستا ماڵەکان کراونەتە شوێنی مانەوەی گەشتیار (Homestay) و داهاتەکەی زۆر زیاترە لەوەی خانوویەکی مۆدێرن دروستی بکات.

نەخشەڕێگایەک بۆ ڕزگارکردنی تەوێڵە

ئایا کار لە کار ترازاوە؟ نەخێر. تەوێڵە هێشتا خاوەنی تۆپۆگرافیا و کەلەپورە کۆنەکەیەتی. بۆ گەڕانەوەی شکۆ بۆ ئەم شارۆچکەیە، پێویستمان بە شۆڕشێکی تەلارسازییە:

  • یەکەم: ناوچەی سور: دەبێت سەنتەری کۆنی تەوێڵە وەک "ناوچەی پارێزراو" دەستنیشان بکرێت. هەر دەستکارییەک دەبێت بە مەرجی مانەوەی سیمای کۆن بێت.

  • دووەم: هاندانی دارایی: حکومەت دەتوانێت بۆیە و چیمەنتۆی ڕووکار قەدەغە بکات و لە بەرامبەردا قەرز بدات بەو کەسانەی دەیانەوێت ماڵەکانیان بە بەرد و تەختە نۆژەن بکەنەوە.

  • سێیەم: گەڕانەوە بۆ دار: پێویستە هان بدرێت دەرگا و پەنجەرەکان لە دار یان ڕەنگی دار دروست بکرێنەوە، نەک ئەلەمنیۆمی سپی و شین کە وەک پەڵەیەکی نامۆ دەردەکەون.

کۆتایی: هەڵبژاردن لە دەستی ئێمەدایە

تەوێڵە لەبەردەم دوو ڕێیاندایە؛ یان دەبێتە شارۆچکەیەکی بێ ناسنامەی پڕ لە کۆنکرێت کە دوای دە ساڵی تر کەس ئارەزووی سەردانی ناکات، یان دەبێتە نموونەیەکی جیهانی وەک دەستە خوشکەکانی لە دیوی ڕۆژهەڵات. پاراستنی تەلارسازیی تەوێڵە تەنها ئەرکی شارەوانی نییە، ئەرکی ئەخلاقیی هەر تاکێکە کە دەیەوێت نەوەی داهاتوو بزانن "ئێمە کێ بووین".

با ڕێگە نەدەین دەنگی "میکسەر و بلۆک" زاڵ بێت بەسەر ئاوازی "بەرد و دار"دا.

تایبەتمەندییە تەکنیکییەکانی تەلارسازیی هەورامان

  • دیواری وشکەچن (Dry Stone Wall): دیوار بەبێ بەکارهێنانی قوڕ و چیمەنتۆ، تەنها بە هونەری دانانی بەرد لەسەر بەرد.

  • پلەبەندی (Terracing): گونجاندنی بینا لەگەڵ لێژیی شاخ بۆ کەمکردنەوەی مەترسی داڕمان و پاراستنی زەوی کشتوکاڵی.

  • ئاراستەی باشوور: زۆربەی خانووەکان ڕووەو باشوورن بۆ وەرگرتنی زۆرترین تیشکی خۆر لە زستاندا.

tawela.jpg

]]>15Sun, 30 Nov 2025 13:25:12 +0000دامەزراندنی سیستەمێک بۆ کۆنترۆڵ کردنی بیناسازی لە هەرێمی کوردستانhttps://keu92.org/forums/topic/9-%D8%AF%D8%A7%D9%85%DB%95%D8%B2%D8%B1%D8%A7%D9%86%D8%AF%D9%86%DB%8C-%D8%B3%DB%8C%D8%B3%D8%AA%DB%95%D9%85%DB%8E%DA%A9-%D8%A8%DB%86-%DA%A9%DB%86%D9%86%D8%AA%D8%B1%DB%86%DA%B5-%DA%A9%D8%B1%D8%AF%D9%86%DB%8C-%D8%A8%DB%8C%D9%86%D8%A7%D8%B3%D8%A7%D8%B2%DB%8C-%D9%84%DB%95-%D9%87%DB%95%D8%B1%DB%8E%D9%85%DB%8C-%DA%A9%D9%88%D8%B1%D8%AF%D8%B3%D8%AA%D8%A7%D9%86/دوایین کۆدی بیناسازی لە هەرێمی کوردستان، کە بۆ یەکخستنی بیناکردن لە هەرێمی کوردستان داڕێژراوە.

ئەم پاشکۆیە سودی زۆری دەبێت بۆ ئەندازیاران و دیزاینەران، و بە ئەرێنی لە سەر شێوازی بیناکردن لە هەرێمی کوردستان دەکەوێتەوە.

1b.png

پێشەکی وەرگیراو لە پەرتوکەوە:
ئێستا لە هەرێمی كوردستانى عێراق لە کاتی دروست کردنی بینادا پراکتیزەکانی بیناسازی عێراقی پەیڕەو دەکرێن. ئەم پراکتیزانەش ئەو ستاندارد و ڕێسا ئەندازیاریانە پیادە دەکەن کە لە زانکۆکاندا دەخوێنرێن، شان بە شانی کۆمەڵێک ستانداردی بیناسازی و ڕێنمایی پلاندانان کە لە ساڵی ١٩٨٠ وە ئامادەکراون. کۆمەڵێک کۆدی بیناسازی گشتگیر نیە کە ڕەنگدانەوەی ستانداردە جیهانیەکانی کاتی ئێستا بێت بۆ کەمکردنی کاریگەری گۆڕانی کەش و پاراستنى ژینگەیى، یانلەسەر تەندروستى و سەلامەتى لە بیناکاندا. پڕۆسەی كۆنترۆڵ کردنی بینا درێژخایەنەو، زۆرجار خەرجیەکی زۆری دەوێت. 

بۆ بەرەنگاربوونەوەی ئەم گرفتانە، پڕۆگرامی نەتەوە یەكگرتووەكان بۆ نیشتەجێی مرۆییەکان ( Habitat-UN )بە هاوكارى وەزارەتى پالندانان و دابین کردنی خەرجیەکان لەلایەن پڕۆگرامی نەتەوە یەكگرتووەكان بۆ گەشەپێدان ( UNDP ) پرۆژەیەکیان لەژێر ناوونیشانی "دامەزراندنی سیستمێک بۆ کۆنتڕۆڵکردنی بیناسازی لە هەرێمی کوردستان" جێبەجێ كرد، پڕۆژەکە لە مانگی ئازاری ٢٠١٥ تاوەکو مانگی ئازاری ٢٠١٥ بەردەوام بوو. ئامانجى سەرەکی پرۆژەكە بریتیە لە گەشەپێدانی کۆدی بیناسازی بەشێوەیەکی تایبەت دانرابێت بۆ بەهێز کردنی پلاندانانێکی تەکنیکی ڕاست و دروست بە ڕەچاوکردنی ستانداردەکانی سەلامەتی لە هەرێمى كوردستانى عێراق کە گەشەسەندنێکی ئاوەدانی خێرا بە خۆوه دەبینێت.

داونلۆدی بکە:

Establish a system for construction control in the Kurdistan Region.pdf

]]>9Tue, 28 Oct 2025 17:05:28 +0000زانستی بەکارهێنانی ڕەنگ لە دیزاینی ناوەوە داhttps://keu92.org/forums/topic/8-%D8%B2%D8%A7%D9%86%D8%B3%D8%AA%DB%8C-%D8%A8%DB%95%DA%A9%D8%A7%D8%B1%D9%87%DB%8E%D9%86%D8%A7%D9%86%DB%8C-%DA%95%DB%95%D9%86%DA%AF-%D9%84%DB%95-%D8%AF%DB%8C%D8%B2%D8%A7%DB%8C%D9%86%DB%8C-%D9%86%D8%A7%D9%88%DB%95%D9%88%DB%95-%D8%AF%D8%A7/Untitled-2.jpg

دیزاینی ناوەوە (Interior Design) یەکێکە لە بەشە هەرە گرنگەکانی هونەری تەلارسازی کە دەتوانرێت بورتەێت زانستێکی تەواو سەربەخۆیە و لە گەڵ هونەری تەلارسازی دا یەک دەگرن، کە ئەمیش وەکو گشت زانستەکانی تر چەند یاسا و ڕێسایەکی تایبەت بە خۆی هەیە کە ئەگەر بێت و ئەویاسایانە یان هاوکێشانە پەیڕەو نەکرێت ئەوا دیزاینەکە بە هەڵە دا دەڕوات و دەتوانین بڵێین کە شکست دەهێنێت.

 

لە گرینگترین ئەو خاڵانەی کە پێویستە لە دیزاینی ناوەوە دا جێبەجێ بکرێت:

  • گونجاندنی شێوەی دیزاینەکە لە گەڵ کار (Function) ی شوێنەکە: ئەمەش یەکێکە لە خاڵە هەرە گرنگەکان کە پێویستە ڕەچاو بکرێت لە دیزاینی ناوەوە دا ئەمیش بە گونجاندنی شێوازی دیزاینەکە و ئەو شکڵ و شێوانەی کە بەکار دەهێنرێن لە دیزاینی ناوەوە دا لە گەڵ کاری شوێنەکە یان ناوچەکە، بۆ نمونە کاتێک دیزاینێکی ناوەوە بۆ ژورێکی نوستن دەکەی پێویستە لە ڕوی بەکار هێنانی شکڵ و ڕوخسار جیاواز بێت لەو دیزاینەی کە بۆ ئۆفیسێک دەکرێت.

 

  • گونجاندنی شێوەی دیزاینەکە لە گەڵ ئەو کەسەی کە بە کاری دەهێنێ: ئەمەش زۆر گرنگە و پێویستە ڕەچاو بکرێت و بگونجێنرێت لە گەڵ ئەو کەسەی یان کەسانەی کە لەو شوێنە دا کار دەکەن و ئەو شوێنە بە کار دەهێنن، بۆ نمونە کاتێک ژورێکی نوستن دیزاین دەکەی پێویستە ڕەچاوی ئەوە بکەی کە ئەو کەسەی ئەو نوستنە بە کار دەهێنێت، کوڕە یان کچ، گەنجە یان بەتەمەن، پاشان لەو ڕوەوە بڕیار بدەی کە دیزاینەکەت بە چ شێوازێک دەکەی.

 

  • گونجاندنی ڕەنگی بەکار هاتوو: پێویستە کار بۆ ئەوە بکرێت کە ئەو ڕەنگانەی بە کار دەهێنرێن گونجاو بن لە گەڵ یەکتری بە شێوەیەک کە ئەمیش کاریگەری تەمەن و شێوازی کار و جۆری تۆنی ڕەنگی لە سەر بێت، کە ئەمانیش بە گشتی دوو جۆر و دوو شێوازی هەیە کە لە خوارەوە دا بە درێژی ڕوون کراوەتەوە.

 

جۆرەکانی ڕەنگ:

  • ڕەنگە ساردەکان: ئەو ڕەنگانە دەگرێتەوە کە لە نێوان ڕەنگی شین و سەوز دان یان ئەو ڕەنگانەی کە لە نێوان پلەی 0 - 500 دان بە گوێرەی پێوەری مایرد، ئەم ڕەنگانەش ڕۆڵی سەرەکی دەگێڕن لە دیزاینی ناوەوە دا و بە گشتی کار لە سەر هێور کردنەوەی لایەنی دەرونی کەسەکان دەکات و هێواشی و وەستانی تێدایە و لە هەندێک ناوچە دا بە کار دەهێنرێت کە پێویستیان بە جم و جوڵ نیە وەک نەخۆشخانە و ئەو شوێنانەی کە کرێکار کاری تێدا دەکات یان لە هەندێک دیزاینی ماڵ دا.

دابەش بونی ڕەنگەکان بە گوێرەی پلەی گەرمی بە گوێرەی پێوەری مایەر

1.png

 

ڕەنگە ساردەکان و ڕەنگە گەرمەکان

2.jpg

 

  • ڕەنگە گەرمەکان: ئەو ڕەنگانە دەگرێتەوە کە لە نێوان ڕەنگی زەرد و سور دان یان ئەو ڕەنگانەی کە پلەی گەرمیان لە نێوان 500-1000 دایە بە گوێرەی پێوەری مایرد، ئەم ڕەنگانەش ڕۆڵی سەرەکیان هەیە لە سەر لایەنی دەرونی ئەو کەسانەی کە دیزاینەکەیان بۆ دەکرێت یان بە کاری دەهێنن، بە گشتی ئەم ڕەنگانە واتای وروژاندن و جوڵە و وزەیان تێدایە و وا لە کەسەکان دەکات کە هەست بە جم و جۆڵ و وزە بکەن لەو شوێنانەش بە کار دەهێنرێت کە ئەو شێوازەیان پێویستە بۆ نمونە لە چێشتخانەکاندا یان دیزاینی ناوەوەی ئەکەی نیشتەجێبوون دا ئەو شوێنانەی کە واتای جوڵەیان تێدایە .

 

شێوازەکانی بە کار هێنانی ڕەنگ:

  • بە شێوەی هارمۆنی (گونجاندن): واتە بەکار هێنانی ڕەنگە نزیک لە یەکەکان ئەمەش بە هەمان شێوە بە گوێرەی ئەو شوێنەی یان شکڵەی کە بە کاری دەهێنی، زۆر جار بۆ ئەوەی شوێنێک یان دیزاینێکی ئاڵۆزی پێ سادە بکرێتەوە و وای لێ بکرێت کە واتایەکی سادەی هەبێت.

 

  • بە شێوەی کۆنتراست (دژیەک): واتە گونجاندنی ئەو ڕەنفانەی کە دژ بەیەکن لە جۆرێتی و تۆخێتی ئەو ڕەنگە ، ئەمەش بە کار دەهێنرێت بۆ دەرخستنی ناوچەیەیک یان شکڵێک لە دیزاینەکە دا و نیشاندانی بە شێوەیەکی زۆر ئاشکرا، چونکە لەم شێوازەدا ڕەنگێک دەبێ بە زاڵ کە ڕاستەوخۆ چاو بە لای خۆیدا ڕادەکێشی و ڕەنگێکیش دەبێ بە بەزیو کە لە لایەن چاوەوە ئیهمال دەکرێت.

 

ئەمانەی خوارەوە چەند نمونەیەکی بەکار هێنان و کاریگەری ڕەنگەکانە لە دیزاین دا:

1.png.46c080944843fbfa467d2fac426cb528.p

1a.png.f6c49d92b773f948de4e52573a92b779.

2.png.7974d34d29c07fbcbd17cd66b2ba766b.p

 

وەرگرتنی بیرۆکەی ڕەنگ:

ڕەنگەکانیش وەک هەمو دیزاینێکی تر پێویستە بیرۆکەی لە پشتەوە بێت و بێ بیرۆکە ناتوانی ڕەنگەکان دیری بکەیت، زۆر جار بیرۆکەکان لە سروشتەوە وەردەگیرێن یان هەندێک جار بیرۆکەکە لە پێکهاتەیەکی ناو دیزاینەکەوەردەگیرێت وجاری واش هەیە کە شێوازی دیزاینەکە ڕەنگەکان دیاری دەکات ، بۆ نمونە کاتێک کە کار لە دیزاینی ناوەوەی یاریگایەکی تۆپی پێ دەکەی ئەوا تۆ ناچاری ڕەنگەکنت لە گەڵ ڕەنگی سەوزی چیمەنی ناو یاریگاکەدا بگونجێنی ، ... وە هەروەها.

 

ئەمانە چەند بیرۆکەیەکن بۆ وەرگرتنی ڕەنگەکانن

95.png.d1b3472129749be21448ba3dd7ade373.

4.png.584781e34308714a1172a9bf28c5d154.p

6.png.6215eb5e0cce7a9ef93aeb568f8cc896.p

8.png.48ad07eb619077a6ac11b8bd5dbb59da.p

9.png.b52a09e1f48e8c90bd59fe50d3258459.p

99.png.597bc036ef52914e35b9898b54b82ab8.

993.png.faeb170232586865aea90d31e46dc88c

994.png.019163e3218144a44c1d2079cb996179

998.png.b5ac918ab72751f324d2e4cf05133ab4

 

هیوادارم بابەتەکەم سودی هەبێت بۆتان و هەر تێبینیەک یان زیاد کردنێکتان هەبوو تکایە لە خوارەوە بینوسە و وەڵامێک دابنێ لە سەری.

وەرگیراوە لە ماڵپەڕی تەلارساز ەوە

]]>8Tue, 28 Oct 2025 16:54:09 +0000